攰

 疲憊的一天

因為老人院職員疏忽

造成意外

一整天就跑來跑去係醫院

今日有事要整都勿勿搭完的士

又沖返醫院了解個進度

全日就搭左2-3轉的士

結果，問題大，搞到要報警備案

老人院院長都直接被我鬧完一餐

警察都勸我唔好甘大火氣

我份人係只要無發生咩事

我幾時都會好好脾氣對住你

想講唔係下下要我教個院長點改善點做事

我都話佢唔識管理人

就算你話我領導力都唔代表我要去做老人院

只係無奈我阿婆住佢間野

警察搵完個院長，院長都打俾我

我都媽叉完佢，佢事後都即時來醫院

又再次發完佢脾氣，佢就一直講對唔住我

唉，慘過幫人教仔

結果，就變成我要幫手提出有咩位要改善

仲要幫佢望d職員做得如何

我由小到大就係唔中意做組長，隊長

唔係無本事做領導角色

而係唔喜歡太多野都要去理

真心感謝陪診果位姑娘

雖然佢唔係專業的護士

對我來講都必須尊重對你家人好的人

同個姑娘講如佢腳仔痛，要坐的士

同我報銷就得

將來佢有事我只要承諾我都會去幫佢

對我阿婆真心好的人

我必會還恩

佢地話佢地應份的

我都係果句，

佢地打工都好睇佢地個心

佢人好，用真心善待老人家

我地要尊重同感恩佢

。。。。。。。。。。。。。。。

醫院來電，再詳細少少講返個情況

聽日再等醫生巡房 

睇下又有結論

更加清楚我阿婆d骨有幾脆弱

以後要更日日去探望佢

。。。。。。。。。。。。

本身想去搵下兼職都要唸下

係唔係搵下近唔近果間老人院

方便探望佢